அதர்வா ஹீரோவாகவும், மேகா ஆகாஷ் ஹீரோயினியாகவும் இணைந்து நடித்துள்ள படம் ‘பூமராங்’. மேலும் இந்தப் படத்தில் இந்துஜா, உபென் படேல், சுஹாசினி, ஆர்.ஜே. பாலாஜி, சதீஷ் உட்பட பலர் நடித்துள்ளனர். இந்தப் படத்தை இயக்குனர் ஆர்.கண்ணன் இயக்கி வருகிறார். மேலும் இந்தப் படத்தை மசாலா பிக்ஸ் சார்பில் ஆர்.கண்ணனே தயாரித்திருக்கிறார். இந்தப் படத்திற்கு ரதன் இசையமைத்து வருகிறார்.

இந்தப் படத்தில் இடம்பெறும் ஒரு முக்கியக் காட்சிக்காக, அதர்வா மொட்டை அடித்தார். இதனால் அடுத்த படத்தில் நடிக்கத் தாமதமாகும் என்று தெரிந்தும், காட்சியின் முக்கியத்துவம் கருதி மொட்டையடித்தார் அதர்வா. படத்தின் இறுதிக்கட்டப் பணிகள் முடிந்து வெளியீட்டுக்குத் தயாராகி வந்தது. இந்நிலையில் படம் மார்ச் 1-ம் தேதி ‘பூமராங்’ வெளியாவதாக இயக்குநர் ஆர்.கண்ணன் தன் ஃபேஸ்புக் பக்கத்தில் அறிவித்தார்.