வாட்ஸ்அப் செயலியின் பாதுகாப்பை அதிகப்படுத்தும் நோக்கில்  புதிய வசதியை வழங்குவதற்கான தற்போது அந்நிறுவனம் சோதனைகளில் ஈடுபட்டு வருகின்றது.

ஃபேஸ்புக்கின் வாட்ஸ்அப் செயலியில் பயனர்களின் chatting விபரங்களை பாதுகாக்க கைரேகை சென்சார் வசதியை வழங்குவதற்கான பணிகள் நடைபெற்று வருகின்றது. இந்த புதிய வசதியின் ஊடாக பயனர்கள் கைரேகையை வைத்தால் மட்டுமே செயலியை திறக்க முடியும்.

இதுகுறித்து WABetaInfo, வெளியிட்டிருக்கும் தகவல்களில் இந்த அம்சத்தை உருவாக்குவற்கான முதற்கட்ட பணிகள் மட்டுமே ஆரம்பித்து இருக்கின்றது. இதனால் இந்த அம்சம் android பீட்டா 2.19.3 பதிப்பில் செயலிழக்கச் செய்யப்பட்டிருப்பதாக தெரிவிக்கப்பட்டுள்ளது.

முன்னதாக ஃபேஸ் ஐ.டி. மற்றும் டச் ஐ.டி. அம்சங்களை ஐ.ஓ.எஸ். இயங்குதளங்களில் வழங்குவதற்கான சோதனை நடைபெற்றதைத் தொடர்ந்து தற்சமயம் இதேபோன்ற பாதுகாப்பு வசதி android இயங்குதளத்திலும் வழங்கப்பட இருக்கின்றது.

ஐ.ஓ.எஸ். இயங்குதளத்திலும் இதற்கான சோதனை மட்டும் நடைபெற்று இருக்கும் நிலையில், இதுவரை இந்த வசதி வழங்கப்படாமலேயே இருப்பதும் குறிப்பிடத்தக்கது.

வாட்ஸ்அப் செயலியில் கைரேகை பாதுகாப்பு வசதியை இயக்க செயலியின் செட்டிங்ஸ் – கணக்கு – பிரைவசி உள்ளிட்ட தெரிவுகளை தேர்வு செய்ய வேண்டும். இந்த அம்சத்தை இயக்கினால் மட்டுமே hatting விவரங்களை பாதுகாக்க முடியும். ஏற்கனவே தங்களது ஸ்மார்ட்தொலைபேசிகளில் பாதுகாப்பு வசதியை செயல்படுத்தி இருப்பின் இந்த அம்சம் தேவைக்கதிகமானதாகும்.

android மார்ஷ்மல்லோ மற்றும் அதற்கும் அதிக இயங்குதளங்களை பயன்படுத்தும் அனைவருக்கும் கைரேகை பாதுகாப்பு வசதி வழங்கப்படும். எனினும், இதை செயல்படுத்த ஸ்மார்ட்தொலைபேசியில் கைரேகை சென்சார் இருக்க வேண்டியதும் அவசியமாகும்.

0 Shares